အိမ်ရှင်နှင့်တူသောအသင်းသားနှင့်ဧည့်သည်နှင့်တူသောအသင်းသား
အိမ်ရှင်နှင့်ဧည့်သည်ဆိုတာ မတူပါဘူး။ အိမ်ရှင်ကတော့ အိမ်ကိုဂရုတစ်စိုက်စိတ်ဝင်တစ်စားပြုစုပြီး၊ ဧည့်သည်ကတော့ သိပ်အရေးမထားတတ်ပါဘူး။
ဆာလံ၊ ၂၆း၈ - - အိုထာဝရဘုရား၊ အိမ်တော်သည် အိမ်တော်တည်ရာကို၎င်း၊ ဘုန်းတော်ထင်ရှားသော အရပ်ငှါနကို၎င်း အကျွန်ပ်နှစ်သက်ပါ၏။
အသင်းတော်ဟုဆိုရာတွင် ယေဘုယျအားဖြင့် နှစ်မျိုးခွဲခြားထားပါသည်။ (၁) မမြင်ရသောအသင်းတော် (၂) မြင်ရသော အသင်းတော် ဂိုဏ်းကဏ ဟူ၍ဖြစ်သည်။ အတိုချုပ်ပြောရမည်ဆိုလျှင် (၁) မမြင်ရသောအသင်းတော်ဟူသည်မှာ တစ်ကမ္ဘာလုံးရှိယုံကြည်သူများ နာမည်စာရင်းဝင်ရာ ကောင်းကင်ဘုံ၌ဖြစ်သည်။ ထိုနေရာတွင် သင်းဝင်စာရင်းရေးသွင်းပေးသူမှာ ခရစ်တော်ကိုယ်တိုင်ဖြစ်သည်။ ဘယ်လူသားကမျှ ရေးသွင်း၍မရပေ။
(၂) မြင်ရသောအသင်းတော် ဂိုဏ်းကဏသည် ကောင်းကင်ဘုံအသက်စာစောင်စာရင်းဝင်သူများ နေသည့်တိုင်းပြည် နေရာအသီးသီးတွင် စုဝေးနေသော နေရာကို အသင်းတော်(သို့) ဂုဏ်းကဏဟု ခေါ်ပါသည်။ ထိုအသင်းဂိုစ်းကဏအသင်းဝင်စာရင်းကို တာဝန်ရှိသူများကရေးမှတ်ရပါသည်။ ထိုအသင်းဝင်များအားလုံး ကောင်းကင်စာရင်းဝင်ကြမည်ဟုဆို၍မရနိုင်ပေ။ ယခုပြောမည့် အိမ်ရှင်အသင်းသားနှင့်ဧည့်သည်နှင့်တူသောအသင်းသားဟူသည်မှာ ဂိုဏ်းကဏအသင်းတော်၏ အသင်းဝင်များကိုဆိုလိုပါသည်။
မည်သည့်အသင်းတော်၌ဖြစ်စေ၊မည်သည့်နေရာ၌ဖြစ်စေ မြင်လေ့ရှိသောအရာဖြစ်ပေသည်။
ဧည့်သည်နှင့်တူသောအသင်းသား
ဤအသင်းသားသည်လည်း အသင်းတော်၏ အမြဲတမ်းသင်းဝင်ယုံကြည်သူဖြစ်ပါသည်။ သို့သော် အသင်းတော်တွင် ဧည့်သည်ကဲ့သို့သာလှုပ်ရှားပါသည်။ အသင်းတော်၏ ဝေရာကိစ္စများကို စိတ်မ၀င်စားလှပါ။ ဘုရားကျောင်းအရောက်နောက်ကျချင်နောက်ကျမည်။ လာချင်လာမည်။ မည်သည့် လှုပ်ရှားမှု့ရှိပါစေ၊ ကိုယ်နှင့်မဆိုင်သလိုသာနေတတ်သည်။ ယုံကြည်သူများနှင့်မိသဟာယနည်းပါးသည်။ အသင်းတော်၏ ဆုတောင်းအစည်းအဝေးဖြစ်စေ၊ ကျမ်းစာသင်တန်းဖြစ်စေ၊ ကာယမိသဟာယမှာဖြစ်စေ ပါဝင်ခြင်းမရှိတတ်ပါ။ စိတ်မ၀င်စား။
စသည်ဖြင့် ဧည့်သည်လိုမျိုး ဘုရားကျောင်းတက်လာတတ်သည်။
အိမ်ရှင်နှင့်တူသောအသင်းသား
မိမိအိမ်ကိုစိတ်ဝင်စားသကဲ့သို့ မိသားစုကိုအရေးစိုက်သကဲ့သို့ အသင်းတော်ကိုစိတ်ဝင်စားသူဖြစ်သည်။ မိမိအိမ်တွင် မီးဖိုချောင်၊အ်ိမ်သာထဲကအစ ဘာတွေလိုအပ်မည်၊ ဘာတွေပြင်ဆင်ရမည်ကို အလုပ်လုပ်နေရင်း လမ်းသွားနေရင်း စဉ်းစားတတ်သကဲ့သို့ အသင်းတော်၏ ဝေယျာကိစ္စများကိုလည်း စဉ်းစားတတ်သည်။ အသင်းတော်ကိုချစ်သည်။ စိတ်ဝင်စားသည်။ အိမ်တော်တည်ရာ၊ ဘုန်းတော်ထင်ရှားရာကိုလည်း နှစ်သက်တတ်သည်။
ကျွန်ပ်တို့ရော မိမိပါဝင်နေသည့်အသင်းတော်တွင် မည်ကဲ့သို့သော အသင်းသားမျိုးအဖြစ်ရပ်တည်နေကြပါ သလဲ။ မည်ကဲ့သို့သောအသင်းသားအားဖြင့် ဘုရားဘုန်းထင်ရှားနေမလဲ။ မည်သည့်အသင်းသားစိတ်မျိုးကို သာ ဘုရားသခင် ကောင်းကြီးပေးမလဲဆိုတာ ဆင်ခြင်လျက် အသက်ရှင်လျှောက်လှမ်းကြပါစို့။