ဘုရားဘုန်းထင်ရှားစေသောမိသားစု


ဘုရားဘုန်းထင်ရှားသောမိသားစု

~~~~~~~~~~~~~~~~~~~~~

အိမ်ထောင်မိသားစုတိုင်းမှာ ပြဿနာဆိုတာရှိပါသည်။ပြဿနာနှင့်ကင်းသည့် မိသားစုရယ်လို့ရှားမှာပါ။'' လျှာနဲ့သွား'' အခမသင့်လို့ကိုက်မိသလို လိင်နဲ့မယား တစ်ခါတစ်ရံစကားများချိန်ရှိကြပါလိမ့်မည်။အထူးသဖြင့် အိမ်ထောင်တိုင်းမှာ ပြဿနာအမျိုးမျိုးနှင့်ရင်ဆိုင် ကြုံတွေ့ကြသည်မှာအမှန်ပါ။ခရစ်ယာန်အိမ်ထောင်မှာ ပြဿနာဖြစ်လာလျှင် ဘယ်လိုဖြေရှင်းကြမည်နည်း။

ကာနမြို့မင်္ဂလာဆောင်ပွဲတစ်ခုမှာ စပျစ်ရည်ပြတ်သွားသည့် ပြဿနာနှင့်ရင်ဆိုင်ကြုံနေရကြောင်းသမ္မာကျမ်းစာတွင်ဖော်ပြထားပါသည်။ဆိုလိုသည်မှာ အိမ်ထောင်မှာပြဿနာအခက်ခဲရှိနေပါသည်။ ထူးခြားသည်မှာ ထိုမင်္ဂလာဆောင်ပွဲတွင် ခရစ်တော်ရှိနေခြင်းဖြစ်သည်။စပျစ်ရည်ကုန် ကြောင်း ခရစ်တော်ကိုပြောကြသည့်အခါ ခရစ်တော်က ရေကိုစပျစ်ရည်ဖြစ်စေပါသည်။အရင်စပျစ်ရည်ထက်ကောင်းသော စပျစ်ရည် ကိုပြင်ဆင်ပေးပါသည်။

ထို့ကြောင့်အိမ်ထောင်မိသားစုတွင် အခက်ခဲပြဿနာရင်ဆိုင်ကြုံတွေ့ရသည့်အခါ နင့်ကြောင့်၊သူ့ကြောင့်၊မိန်းမကြောင့်၊ယောက်ျားကြောင့် ဟုအပြစ်တင်ပြောဆိုနေမည့်အစား ခရစ်တော်ကိုပြောပြသင့်ပါသည်။အရေးကြီးတာက မင်္ဂလာဆောင်အိမ်ထောင် သစ်ထူထောင်သည့်အထဲတွင် ခရစ်တော်ရှိနေသကဲ့သို့ မိမိအိမ်ထောင်မိသားစုတွင် ခရစ်တော်အုပ်စိုးနေစေဖို့ဖြစ်သည်။ထိုအိမ်ထောင် မိသားစုအထဲတွင် ခရစ်တော်ကိုလုပ်ခွင့်ပေးပါက၊အုပ်စိုးစေပါက ပြဿနာရှိမည်မှန်သော်လည်း အရင်စပျစ်ရည်ထက် ချိုသောစပျစ်ရည် ကိုမိသားစုများရရှိကြမည်မဟုတ်လော။ပြဿနာထဲကနေ ထွက်မြောက်သောလမ်းကို ပြင်ဆင်ပေးမည်ဖြစ်ပါသည်။ တစ်ဦးနှင့်တစ်ဦးအပြစ်တင်ပြောဆိုနေမည်ဆိုလျှင် မိသားစုပြဿနာမပြေလည်သည့်အပြင် မိသားစုစိတ်ဆင်းရဲစရာ ဖြစ်သွားမည်။ဘုရား၏ဘုန်းရှုတ်ချရာလည်း ရောက်နေပေမည်။

ယုံကြည်သူများ အိမ်ထောင်ပြုရာတွင် ဘုရားသခင်၏ရည်ရွယ်ချက်မှာ ထိုမိသားစုအားဖြင့် ဘုရားဘုန်းတော်ထင်ရှားစေရန် ဖြစ်သည်။ ဘုရားထံသစ္စာကတိပြုလက်ထပ်ယူပြီး ဘာမဟုတ်သည့် ပြဿနာ

လေးကြောင့်တစ်ဦးနှင့်တစ်ဦးခွင့်မလွှတ်နိုင်ဘဲ အိမ်ထောင်ပြိုကွဲပါက ဘုရားဘုန်းရှုပ်ချနေခြင်းမဟုတ်ပါလော။

ကာနမြို့မင်္ဂလာဆောင်ပွဲတွင် စပျစ်ရည်ကုန်သွားသည့်ပြဿနာကြုံရပါသည်။လူဘုံအလယ်အရှက်ကွဲရတော့မည်။ဇနီးမောင်နှံအချေအတင်စကားမများကြပါ။ခရစ်တော်ရှိသည့်အတွက် ချက်ခြင်းပြောလိုက်ကြသည်။ခရစ်တော်က ရေကနေစပျစ်ရည် ဖြစ်စေပါသည်။အရှက်ကွဲရမည့်အစား ခရစ်တော်ကိုဗဟိုပြုထားကြသည့် မင်္ဂလာမောင်နှံနှစ်ဦး ချီးမွမ်းခြင်းခံကြရသည်။

ယုံကြည်သူခရစ်ယာန်အိမ်ထောင်မိသားစုတိုင်း ဤသို့လုပ်ဆောင်ခြင်းဖြင့် မိသားစုမှာ ဘုရားဘုန်းထင်ရှားစေလိမ့်မည်။

၁။ အိမ်ထောင်ကို ခရစ်တော်အုပ်စိုးစေပါ

၂။ ပြဿနာ အခက်ခဲရင်ဆိုင်ကြုံနေရတိုင်း တစ်ယောက်နှင့်တစ်ယောက်အပြစ်တင်၊သူတပါးကိုအပုပ်ချမည့်အစား ခရစ်တော်ကိုဒူးထောက်လျက်ပြောပြပါ . .. ဆုတောင်းပါ

၃။ ခရစ်တော်က ရေကိုစပျစ်ရည်မဖြစ်စေခင်မှာ ငယ်သားတွေကို အိုးလွတ်တွင်ရေဖြည့်ဖို့ပြောသကဲ့သို့ ဆုတောင်းပြီးလျှင် ခရစ်တော်ကဘာလုပ်ခိုင်းသည်ကို သေချာနားထောင်ပါ။

ခရစ်ယာန်အိမ်ထောင်မိသားစုတိုင်း ပြဿနာကို ခရစ်တော်အားဖြင့်ဖြေရှင်းလျက် ငြိမ်းချမ်းပျော်ရွှင်သော မိသားစုဘ၀ကို ရယူပိုင်ဆိုင်နိုင်ကြစေရန် မေတ္တာနှင့်ဝေငှလိုက်ရပါသည်။

ဖတ်ရှုသူတိုင်း အကျိုးခံစားရရှိကြပါစေ။ဘုရားကောင်းကြီးပေးပါစေသော . . . .

နာမတော်မြတ်၌ . . Manar Chai

0 views
  • YouTube
  • Facebook Social Icon