စုံစမ်းခြင်းလော၊စစ်ဆေးခြင်းလော၊ ဆုံးမခြင်းလော

အသက်တာမှာ ဒုက္ခပြသနာအခက်ခဲနှင့်ရင်ဆိုင်လာသည့်အခါ မိမိကိုယ်ကိုစစ်ပြီး အဖြေရှာဖို့အရေးကြီးပါသည်။

ယနေ့ယုံကြည်သူများကအခက်အခဲပြဿနာများနှင့်ရင်ဆိုင်ကြုံတွေ့လာပါကအဖြေကိုမရှာတတ်ကြပါ။ဒုက္ခပြဿနာတွေ့လာပါကဘုရားကိုအပြစ်တင်တတ်ကြသည်။ဘာကြောင့်ဒါတွေခံစား၊ကြုံတွေ့နေရတာလဲဆိုတာအဖြေရှာခက်နေကြသည်။

ယုံကြည်သူတစ်ဦးသည်အခက်အခဲ၊ဒုက္ခပြဿနာနှင့်ရင်ဆိုင်ကြုံတွေ့လာရတိုင်းမိမိကိုယ်ကိုအရင်စစ်ဆေးဖို့လိုအပ်ပါသည်။အရိုးသားဆုံးအပွင့်လင်းဆုံးမိမိကိုယ်ကိုစစ်ဆေးပါကအဖြေမှန်ကိုတွေ့မည်ဖြစ်သည်။

စုံစမ်းစစ်ဆေးခြင်း-

စုံစမ်းစစ်ဆေးခြင်းသည်မိမိအပြစ်လုပ်၍မဟုတ်ပါ။တစ်ခါတစ်လေမှာမိမိသည်ဘုရားနှင့်အကျွမ်းတ၀င်ဖြစ်လာသောအခါ၊ဘုရားနှင့်ပိုနီးကပ်လာသောအခါစုံစမ်းခြင်းကိုခံရတတ်ပါသည်။ယောဘအသက်တာကိုကြည့်သည့်အခါသူ၏မိသားစုသည်ဘုရား၌မွေ့လျော်ခြင်းကိုအစဉ် ပြုလုပ်သောမိသားစုဖြစ်ပါသည်။သို့သော်သူ့ပိုင်ဆိုင်သမျှပျက်စီးနေသည်သာမကသားသမီးရှိသမျှပါရှုံးဆုံးခဲ့ရသည်။မည်မျှစိတ်ပျက်စရာကောင်းသနည်း။သို့သော်ယောဘကဘုရားကိုချစ်တဲ့မေတ္တာလျှော့မသွားပါ။နှုတ်နှင့်မျှမပြစ်မှားသည့်အပြင်ဘုရားကပေးတယ်၊ဘုရားကပြန်သိမ်းတယ်... ဘုရားအရမ်းကောင်းမြတ်တယ်လို့ချီးမွမ်းနိုင်သည်။ဒါကြောင့်အဆုံးပိုင်းမှာအရှေ့တိုင်းနိုင်ငံတွင်သူ့သမီးများထက်လှပချောမောသူမရှိပါ။အရင်ကထက်နှစ်ဆကောင်းကြီးပြန်ပေးပါသည်။

မိတ်ဆွေ  .... သင်ဘုရားသခင်နှင့်မွေ့လျော်ပြီး၊ဘုရားနှင့်အတူအသက်ရှင်လျှောက်လှမ်းတော့မယ်ဆိုရင်စုံစမ်းနှောက်ယှက်ခြင်းဝင်လာမည်ကိုသတိပြုပါ။ခရစ်တော်ကိုယ်တိုင်ရက်ပေါင်း၄၀အစာရှောင်ပြီးတဲ့အခါစုံစမ်းသွေးဆောင်ခြင်းကိုရင်ဆိုင်ကြုံတွေ့ရသည်။ယောဘကဲ့သို့စုံစမ်းခြင်းကိုကျော်လွှားနိုင်ဖို့ဘုရားထံခွန်အားတောင်းခံပါ။

သင်သည်ဘုရားမနှစ်သက်သည့်အရာဘာမှမပြုဘဲ၊ဘုရားဝတ်၌မွေ့လျော်လာချိန်စုံစမ်းခြင်း၊အခက်အခဲမျိုးစုံရင်ဆိုင်ကြုံတွေ့နေ ပြီဆိုရင်ကျေးဇူးတော်ကိုချီးမွမ်းလိုက်ပါ...အဲဒီစုံစမ်းခြင်းသည်စာမေးပွဲဖြေနေခြင်းပင်ဖြစ်သည်... ထိုစုံစမ်းခြင်းနောက်မှာ ကောင်းကြီးမင်္ဂလာပါလာသည်ကိုသတိပြုပါ။(ရှင်ယာကုပ်၊၁း၂-၄)

ဆုံးမခြင်း

ထာဝရဘုရားသည်ချစ်တော်မူသောသူကိုဆုံးမတော်မူတ်၏။နှစ်သက်တော်မူသောသားကိုဒဏ်ခတ်တော်မူတတ်၏(သု၊၃း၁၂)

ယုံကြည်သူများဘုရားမနှစ်သက်သောအမှု့ကိုပြုသောအခါထာဝရဘုရားဆုံးမတော်မူခြင်းကိုခံရတတ်ကြောင်းနှုတ်ကပတ်တော်က ဖော်ပြပါသည်။မိတ်ဆွေ... . သင်ပြဿနာဒုက္ခနှင့်တွေ့ကြုံလာရသောအခါမိမိကိုယ်ကိုစစ်ဆေးပါ...

မိမိသည်ဘုရားမနှစ်သက်သောအရာများ၌အသက်ရှင်မိလို့ဖြစ်ပါကချက်ခြင်းဝန်ခံလိုက်ပါ။ဒူးထောက်လိုက်ပါ။အဲဒီအရာကြောင့် စိတ်လည်းမပျက်ပါနှင့်။

ငါ့သားထာဝရဘုရားဆုံးမတော်မူခြင်းကိုမမှတ်ဘဲမနေနှင့်။သင်၏အပြစ်ကိုစစ်ဆေးတော်မူသောအခါစိတ်မပျက်စေနှင့်။(သု၊၃း၁၁)။

ချစ်သောညီကိုမောင်နှမများ..... သင်ဘာကြောင့်တစ်ချိန်လုံးပြဿနာကြီးနှင့်ကြုံနေရသလဲ။လုပ်သမျှအကျိုးမပေး၊မအောင်မြင် ဖြစ်နေရတာလဲ။အဲဒီအဖြေကိုမှန်ကန်စွာမတွေ့မခြင်းပြဿနာနှင့်တ၀ဲလည်လည်ဖြစ်နေအုံးမည်သေချာသည်။

ကိုယ်လုပ်တဲ့ဒုစရိုက်ကြောင့်ဖြစ်နေတယ်ဆိုရင်ချက်ခြင်းဒုးထောက်ပြီးဝန်ခံ၊စွန့်လွှတ်လိုက်ပါ.. အဘယ်သူမျှကြံ၍မမှီနိုင်သောဘုရား၏ငြိမ်သက်ခြင်း၊ထွက်မြောက်ရာလမ်းကိုတွေ့ရမည်ဖြစ်ပေသည်။

ဘုရားနှင့်အတူသွားလာပါလျက်ဖြစ်နေပါကကျေးဇူးတော်ချီးမွမ်းပြီးဘုရားထံခွန်အားများတောင်းခံပါ... ခွန်အားနှင့်ပြည့်စုံစေတော် မူသောခရစ်တော်အားဖြင့်တတ်နိုင်မည်ဖြစ်သည်။ထိုစုံစမ်းခြင်းနောက်မှာကြွယ်ဝသောကောင်းကြီးကသင့်ကိုစောင့်လျက်ရှိပါသည်။

သိပ်ဝမ်းနည်းစရာကောင်းသည်မှာယုံကြည်သူများကမိမိအမှားကိုမမြင်ဘဲဘုရားကကောင်းကြီးပေးချင်လို့ဖြစ်တယ်လို့အမြင်မှား ဘဲဖြစ်ပါတယ်။မိမိအမှားကိုမ၀န်ခံဘဲချီးမွမ်းနေလည်းဘာမှအကျိုးမရှိပါဘူး။

မိတ်ဆွေ..... ဘုရားသခင်၏စုံစမ်းစစ်ဆေးခြင်းလော.... ဆုံးမခြင်းလော..... မိမိကိုယ်ကိုစစ်ကြောလျက် မှန်ကန်စွာမြင်တတ်၍ ဘုရားသခင်၏ကြွယ်ဝသောကောင်းကြီးမင်္ဂလာကိုခံစားနိုင်ကြပါစေလို့ မေတ္တာဖြင့်ဝေငှပါသည်...

စာဖရှုသူအယောက်တိုင်းကိုဘုရားသခင်ကောင်းကြီးပေးပါစေသော....................

နာမတော်မြတ်၌....

Pastor Manar Chai

lmmanuel Myanmar Church

Chicago Land, usa.

160 views
  • YouTube
  • Facebook Social Icon